করম্না য়ৌগনি
-
চৎথোক চৎশিন
চান্দেল ডিষ্ট্রিক্ট অসি মোরে ফাওবা ইন্দো-ম্যানমার লম্বীনা শম্নহল্লী। পল্লেল চান্দেল লম্বীনা ইন্দো-ম্যানমার লম্বীদগী খাইরগা ডিষ্ট্রিক্ট হেড ক্বা্র্টর ফাওবা য়ৌই।
চান্দেল ডিষ্ট্রিক্ট চৎনবগীদমক মখাদা পীরিবা ৱারোলশিং অসি কান্নগনি- চান্দেল ডিষ্ট্রিক্ট হেড ক্বার্টর অমদি চান্দেল ব্লোক তান্না চৎনবগীদমক য়াইস্কুলদা লৈবা মনিপুর ষ্টেট ত্রান্সপোর্টতগী অয়ুক্কী পুং ৮.৩০দা চেনবা বস তোংবা য়াই নত্ত্রগা ইম্ফালদা লৈবা কৈশামপাৎ বস পার্কিংদগী ককচিং য়ৌবা বস তোংলগা ককচিংদগী চান্দেল য়ৌবা বস তোংবা য়াই। ককচিং লমখাইদগী চান্দেল য়ৌবা বস নত্ত্রগা পল্লেন চেনবা ওতো নত্ত্রগা টাটা মেজিক তোংলগা পল্লেলদগী অমুক বস নত্ত্রগা টাটা সুমো অমা হেক্তা তোংলগা চান্দেল য়ৌবা য়াই।
- চকপীকারোং ডিভিজন(ব্লোক) চৎনবগীদমক – ইম্ফালগী কৈশাম্পাৎ পার্কিংদগী চকপীকারোংগী বস তোংবা য়াই। মসি নত্ত্রগসু ককচিংগী বস তোংদুনা চৎলগা ককচিং নত্ত্রগা ককচিং লমখাইদগী অমুক চকপীকারোংগী বস তোংবা য়াই। মসি নত্তবা অতোপ্পা অমনা ককচিং লমখাইদগী শুগ্নুগী বস তোংদুনা চৎলগা শুগ্নুদগী চকপীকারোং চেনবা টাটা সুমো তোংবা য়াই।
- তেংনৌপল ডিভিজন (ব্লোক) নত্রগা মোরে চৎনবগীদমক ইম্ফালগী মোরে বস পার্কিংদগী টাটা সুমো তোংবা য়াই।
- মচি ডিভিজন (ব্লোক) চৎনবগীদমক হৌজিক ফাওবগী ওইনদি বস চেন্দ্রি। মচি অমদি ককচিং অনী ফাওননবগীদমক মী পুথোক পুশিন তৌনবগীদমক ত্রকখক্তমক চেল্লি। মরমসিনা মচি য়ৌনবগীদমক লন্নাই গাড়ী ৱায়দুনা চৎপনা হেন্না খুদোং চাগনি।
-
ঈ-পাউ ফাওনবা
ঙসিদি বি এস এন এলগী লেণ্ডলাইন তেলিফোন অসি লৈঙাক্কী লোইশঙশিং অমদি এন জি ওশিংদা মরু ওইনা শীজিন্নরে। বি এস এন এল অমসুং এয়রটেলনা ভোইস কোলস অমসুং অককনবা ইন্টর্নেট ব্রাউজিংগী মোবাইল সার্ভিসকী খুদোংচাবা পীদুনা পাকশন্না শীজিন্নরি। Courier/Postal Serviceশিংদি মরু ওইনা Indian Postal Service না ডিষ্ট্রিক্টকী মফম কয়াদা লৈরিবা Sub-post officeকী খুত্থাংদা তৌরি। ডিষ্ট্রিক্ট হেড ক্বা্র্টরগী postal codeতি 795127নি।