ডিস্ট্রিক্টকী-মরমদা

চান্দেল ডিষ্ট্রিক্ট অসি ১৯৭৪গী মেগী তাং ১৩দ্গী ডিষ্ট্রিক্ট অমা ওইনা লৈরকখি । মসি মনিপুরগী খা নোংপোক থংবা মাইকৈদা লেটিচুদ 24o40′ N অমদি লোংগিচুদ 93o50′ E দা লৈ । স্কার কিলোমিটর 2,100 পাক চাউবা (টেংনাউপল যাওনা ) ডিষ্ট্রিক্ট অসি মনিপুরগী চিদাইদা লৈ । মসি খা থংবা মাইকৈদা ময়ানমার নোংপোক্তা (মমাংঙিদা বর্ম্মা হায়্না খ্ঙনরম্বা), অবাংদা  উখ্রুল ডিষ্ট্রিক্ট, খা-নোংপোচুপ্তা চুরাচান্দ্পুর ডিষ্ট্রিক্ট অম্দি অবাংদা থৌবাল ডিষ্ট্রিক্টনা কোয়শল্লি । ডিষ্ট্রিক্ট অসি ইম্ফালদ্গী কিলোমিটর ৬৪ লাপ্না লৈ ।
নেসনেল হাইবে ৩৯ না ডিষ্ট্রিক্ট অসি ফাওদুনা চেল্লি ।

তোঙান তোঙানবা ফুরুপ কয়ামুক্না ডিষ্ট্রিক্ট অসিদা খুন্দাই । চীংমী ফুরুপ ২০মুক্না ডিষ্ট্রিক্ট অসিদা লন্না লন্না তাই । মখোয়্না ডিষ্ট্রিক্ট অসিগী মফম শিনবা থুংনা শন্দোক্তনা তাই । খুন্দারিবা ফুরুপশিংগী মনুংদা মরু ওইবা খরদি অনাল, লমকাং, কুকি, মোয়োন্, মোনশাং, চোথে, থাদৌ, পাইতে, মরিং, জৌ অসিনচিংবনি । মফমসিদা খুন্দারিবা চীংমীশিংশিগা য়েংনবদা চাং য়াম্না নেম্না মৈতৈ অমদি মৈতৈ পাঙল খারসু খুন্দাই । নেপালী, তামিল্, বেঙ্গালী, পন্জাবী অমদী বিহারীনা চীংবা নন্-মনিপুরি খরসু ডিষ্ট্রিক্ট অসিদা খুন্দাদুনা লৈ ।

ষ্টেত অসিগী ওইনা মালেমগী থাক্তা লৈবা লল্লোন্-ইতিক্কী মরু ওইবা মফম অমা ওইরিবা মোরে টাউন অসি ডিষ্ট্রিক্ট অসিগী খা ইথং থংবা মাইকৈদা লৈ । ট্রান্স এসিয়ান হায়বে লাকপা মতম্দা চান্দেল ডিষ্ট্রিক্ট, এসিয়াগী লৈবাক্শিংগী ফাওনফ্ম ওইগনি । শোথ্হৌরবা ডিষ্ট্রিক্টশিংগী মনুংদা অমা ওইনা লৌনরব্সু জাতিগী ঙাক্শেলগী মরম্দদি চান্দেল ডিষ্ট্রিক্ট অসি অদুক হাক্না শোথাবা নত্রি । কার্গিলগী লান্দা থবাইনা পোন্থা পিখিবা মরৈবক নিংবা ভারতকী অথৌবাশিংগী মিং পন্নরকপদা চারা নিকোলাস মায়োন, এস গেমিথাং অমদি এল এন বেনাইংভির মায়োন হায়রিবশিং অসি মীয়াম্না মতমচুপ্পদা নিংশিংদুনা লৈরগনি ।